पुरुष

लाल बत्तीखालच्या सगळ्या छात्या
नसतात कधी व्यवस्थित झाकलेल्या
किंवा नीट पूर्ण उघड्या

भिती असते त्यांना
माल दिसला नाही तर बहुदा
गिऱ्हाईक रस घेणारच नाही

दिसायचं ते सगळं आधीच दिसलं
तर बघायला रस काय उरणार
झिरमिळी पडद्यामागे का येणार

निळे ओठ जांभळ्या भुवया
अर्धअनावृत्त थलथलणारे स्तन
लवलवणारी लसलसणारी ताठ शिस्न

भावनांची सगळी सुंदर वस्त्र
फाडून जाळून नष्ट केली की
उरतो हा उघडा रेड लाईट एरिया

आणि तरीही तेव्हाही तशातही
लोंबणाऱ्या वक्षांमध्ये आणि
वखवखणाऱ्या लिंगांमागे

असेतच भावनांची उत्कटता
विस्थापित विकृत विद्रूप
उलट्या घातलेल्या अंडरवेअरसारखी