श्री / सौ - नावबदल

मुहूर्तावर लग्न लागले
कार्य फ़ार उत्तम झाले
पाहुणे रावळे खूष झाले
पंचक्रोशीत व्याह्यांचे नाव झाले

सगळं छान सुंदर होऊन
पडद्यामागे काही घडतय का
अशा आनंदी मंगल प्रसंगी
वरमातेच्या डॊळ्यात पाणी का

असं कधी घडलं नाही
असं कुणी करत नाही
राजेश रमेश पवारचा कधी
राजेश वीणा नेने होत नाही

एव्हढा याला जन्म दिला
राब राबून मोठा केला
आता हिच्या नादी लागून
आमचंच नाव पुसून टाकतोय

मुलं नाव लावणार काय
वंशाचं नाव चालणार कसं
त्यातल्या त्यात एकच बरं
हिला करंटीला मुलगा कसला होतोय