माझी लोकशाही, तिचं इलेक्शन

महान लोकशाही झोपलीय
तिच्या बंद डोळ्यातल्य़ा
भिरभिरत्या बुबुळांमधल्या
स्वप्नांच्या गर्दीतल्या
माणसांच्या गर्दीमधला
एक माणूस मीच आहे
सगळ्यांच्या मागून
लपून, डोकावून
नाकर्त बघतोय
एखादं स्वप्न वाट्याला
येतय का माझ्या हळूच

तिच्या निद्रीस्त हृदयाचं
एक सुप्त स्पंदन
माझ्या नावचं होतं.
तिच्या जड झालेल्या
हातापायांची न झालेली
गर्भार हालचाल
माझीही होती.
तिची झोप
माझ्या पत्थ्यावर पडली हो्ती.

तिच्या झोपेमध्ये लपून
डोक्याव पांघरूण घेऊन
तिच्याकडे बोट दाखवतोय
मी.