खुलली कळी

थकूलं मन हळूच
कळीत जावून लपलं
सूर्यासवे उमलायची
वाट पाहू लागलं

सूर्य आला वर तरी
कळी काही उमलेना
किती केली आर्जवं तरी
फूल काही फुलेचना

तिकडून आला माळी
घातलं ख़त पाणी
खूप घातल्या शिव्या अन्
खोचक टीका टिप्पणी

शिव्या खूप बोचल्या
टीका खोल रुतली
कळी अशी घाबरली
घट्ट मिटून लपली

मनाने मनावर घेतलं
भ्रमरावर सवार झालं
कळीच्या मनात शिरलं
अलवार तिला थोपटीलं

खुदकन कळी खुलली
अंगांग रोमांचली
हात पसरून नाचली
फूल होऊन बहरली